2025eko udaberria/uda
Bi munduk bat egitetik sortua da SS25 bilduma: naturaren izaera organikoak eta hiriaren berezko geometriak bat egitetik sortua, hain zuzen. Minimalista baina bizia, beste interpretazio bat ematen dio euritako arroparen denboraz gaindiko funtzionaltasunari, kolore eztanda batez eta natura iradokitzen duten siluetez osatzen baita: haizearen kurba leunez, uraren egitura fluidoaz eta hiri-arkitekturako lerro dinamikoez
Xehetasun orok, molde garbietatik hasita material berritzaileetaraino, praktikotasunaren eta estetikaren arteko oreka islatzen du. Edozein unetarako jantzi egokiak dira, hirirako zein naturarako, joan-etorrietarako zein pausaldietarako, euritarako zein eguzkitarako.
S25ek haizea ematen dio aldaketari, mugarik ez duen esplorazioari, funtzionaltasunak eta sormenak bat egitean sortzen den edertasunari. Euria ez baita eragozpena, biziberritzeko aukera baizik.
Arinena
Denboraldi honetan lehen aldiz poliuretano arineko bilduma bat aurkeztuko dugu, gure material ikonikoaren bertsio arinagoa, udaberriko eta udako egun bero eta hezeetarako aproposa. Jantziak presiozko botoiekin diseinatzen dira, kremaileren ordez, arintasuna nabarmenduz. Denboraz kanpoko siluetek eta tonu neutroek forma ematen diete pieza moldakorrei, armairuko ezinbestekoak bihurtzeko pentsatuak.
Ezinbesteko Osagarriak
Estiloa, erosotasuna eta funtzionaltasuna uztartuz, denboraldi honetako osagarriek, zentzu praktiko eta moderno baten bitartez, zure look bakoitzari ukitu bereziago bat mango diete. Gure jaken bildumako ehunik nabarmenenekin osatuak izan dira: poliuretanoz, shopper poltsa zabal bat eta euritako txano bat; softshell arinez, soinean gurutzatzeko poltsa bat eta txapel funtzional bat. Eta ehun birziklatuan, hondartzarako edota edozein helmugatarako poltsa tolesgarriak.
Ikonikoak
Gure poltsa ikonikoen bildumak dotoreziaren eta funtzionaltasunaren kontzeptua birdefinitzen du. Akabera mateko PU ehunean eginak, diseinu bakoitzak sofistikazioa eta modernitatea islatzen ditu. Espazio zabalekoak eta garaikideak, dituzten xehetasunengatik nabarmentzen dira. Bidaia-poltsen aldakortasunetik hasi eta poltsa edota gimnasioko motxiletaraino, lerro garbiez osatutako shopperrak ahaztu gabe, pieza bakoitza estilo-adierazpen bat da.
